سلك السماعة

تعرف اننا بالصلاة عازين ...كلنا عايشين عالارض مش فوق فالجنة
بنسدد قطم التفاحة
لو آدم كان بس استنى ... مشكان هيجيب ناس مرتاحة
ومكنش بقى اقصى املنا نوصل لمكان اصله مكانا ...ومخلوق مالاول علشنا
لكن احيانا م التفكير
الحبكة وفشئون التدابير
يطلع تفسير معقول بيقول
احيانا احداث الدنيا عشان تحصل
وخيوط اللعبة عشان توصل
مبينقصهاش غير شماعة الدنيا اساسا مالاول شيء يشبه سلك السماعة
يتلعبك منك فثواني وعشان يرجع مفرود تاني لازم تتعزب وتعاني
وتفكه فاكتر من ساعة